अजित पवार यांचा राजकारणातील प्रवेश हा निवड योगायोग नसून नैसर्गिक प्रगती होती. राजकीय संस्कार लहानपणापासूनच दादांवर होत गेले. काका शरद पवार यांच्या कडून अजित दादांनी राज्यकारभार आणि राजकारणातील बारकावे याचे धडे घेतले. दादांनी १९९१ मध्ये बारामती मतदारसंघातून त्यांची पहिली लोकसभा निवडणूक लढवली आणि विजय होऊन त्यांच्या राजकीय प्रवासाची सुरुवात झाली.

अजित दादांचे पहिले मंत्रीपद

अजित पवारांनी आपल्या मतदारसंघाचा विकास करून स्वतःची लोकप्रियता वाढवली. त्यांच्या या विकासाची दखल घेत त्यांना १९९९ ला महाराष्ट्र सरकार मध्ये कृषी व ग्रामीण विकास आणि ऊर्जा या सर्व विविध खात्यांचे राज्यमंत्री म्हणून नियुक्ती देण्यात आली. हे दादांचे राजकीय कारकीर्दीतील पहिले मंत्रीपद आहे. त्यांची चतुर निर्णय क्षमता आणि लोककल्याणासाठी समर्पण यामुळे त्यांना समर्थक आणि राजकीय विरोधक दोघांकडूनही प्रशंसा मिळाली. कृषिमंत्री म्हणून अजित पवार यांचा कार्यकाळ विशेष उल्लेखनीय होता. त्यांनी कृषी उत्पादकता वाढवण्यासाठी आणि शेतकऱ्यांना आधार देण्यासाठी अनेक प्रगतशील उपायोजना सुरू केल्या. सिंचन प्रकल्प राबविण्याचे त्यांच्या प्रयत्नांनी राज्याचे कृषी विकासात महत्त्वाचे योगदान दिले. दादांनी आपल्या कामातून शेतकऱ्यांचे जीवनमान उंचावण्यात महत्त्वाची भूमिका बजावली.

राजकारणात अजित दादांवर झालेले आरोप, वाद आणि त्यांचा राजीनामा

२०१२ मध्ये अजित पवारांना सिंचन प्रकल्पातील कथित वादाचा सामना करावा लागला. या सिंचन प्रकल्पातील वादाला “सिंचन घोटाळा” म्हणून देखील संबोधले जाते. या वादामुळे त्यांनी महाराष्ट्राच्या उपमुख्यमंत्री पदाचा राजीनामा दिला होता. शिष्टमंडळाच्या चौकशीनंतर दादांना या आरोपातुन मुक्त करण्यात आले. आणि दादांची राजकीय प्रतिष्ठा अबाधित राहिली.