९ फेब्रुवारी, १९६४ रोजी महाराष्ट्रातील सातारा येथे जन्मलेले एकनाथ शिंदे हे मराठा कुटुंबातील आहेत. चांगल्या आयुष्यासाठी त्यांचे कुटुंब ठाण्यात आले.

एकनाथ शिंदे यांनी ठाण्यातील मंगला हायस्कूल अँड ज्युनिअर कॉलेजमधून अकरावी पूर्ण केली; परंतु आर्थिक ताणामुळे त्यांना पुढील शिक्षण घेता आले नाही. सुमारे २० वर्षांच्या दीर्घ कालावधीनंतर, त्यांनी यशवंतराव चव्हाण महाराष्ट्र मुक्त विद्यापीठातून मराठी आणि राज्यशास्त्र या विषयात कला शाखेची पदवी घेतली.

घरच्या गरीब परिस्थितीमुळे एकनाथ शिंदे यांनी आपल्या कुटुंबाच्या उदरनिर्वाहासाठी लहान वयात काम करायला सुरुवात केली आणि कठीण दिवसात ऑटोरिक्षाही चालवली. लग्न झाल्यानंतर आणि पत्नी लतादीदींच्या प्रोत्साहनाने आणि सहकार्याने ते ठाण्यातील वागळे औद्योगिक वसाहतीत कामगार नेते बनले.

एकनाथ शिंदे यांनी लता यांच्याशी लग्न केले, एक मजबूत आणि हुशार स्त्री जी त्यांच्या पाठीशी कायम उभी राहिली आहे. एकनाथ शिंदे यांना तीन अपत्य. श्रीकांत, दीपेश आणि शुभदा. २०००मध्ये ते सुट्टीवर असताना एका अपघातात शिंदे कुटुंबाने लहान दीपेश आणि शुभदा यांना गमावले. त्यांचा हयात असलेला मुलगा श्रीकांत हा ‘ऑर्थोपेडिक सर्जन’ आहे आणि २०१४पासून कल्याण मतदारसंघातून निवडून आलेला लोकसभा सदस्य आहे. श्रीकांतने २०१६मध्ये वृषालीशी लग्न केले आणि त्यांना रुद्रांश नावाचा एक मुलगा आहे.